How to Delete AutoPay Debit in PhonePe (Full Guide) Hindi
Doston, swagat hai aaj ke is new article mein. Aaj ke is article mein hum janenge ki PhonePe app se agar aapka payment auto debit ho raha hai, to ise aap kaise band kar sakte hain. Yaani PhonePe se AutoPay kaise band karna hai, is article mein main aapko step by step process sikhane wala hoon. Isliye is article ko dhyan se padhen aur process ko follow karein.
PhonePe App se apne aap paisa kyon katata hai?
Agar aapke bhi PhonePe app se apne aap paise debit hote rahte hain aur aapko samajh mein nahi aata ki aapke account se paise kaise kat jaate hain, to main aapko batata hoon ki yeh kyon hota hai.
Aap jo mobile use kar rahe hain, usmein aise apps ko dhundhiye jinmein aapne subscription liya ho, jaise JioHotstar, Kuku TV, SonyLIV ya Netflix jaise entertainment aur OTT apps. Aap websites bhi check kar sakte hain. Agar aapne kisi website par subscription liya hai aur payment karte samay AutoPay select kar diya hai, to aapka subscription har mahine automatically renew hota rahega aur jis account se aapne payment kiya hai, usse paise auto debit hote rahenge. Isi wajah se aapke bank account se paise katte rahte hain.
PhonePe se AutoPay band kaise karein?
Process step by step follow karein…
Sabse pehle apne mobile mein PhonePe app kholen. Upar profile icon par tap karein, jahan aapka account dikhai dega. Phir thoda sa scroll karein aur AutoPay UPI wale option par jaayen.
Ab wahan par aapko jitne bhi active AutoPay dikhai denge, yani jis bhi app ya platform ke liye aapne subscription ke liye AutoPay set kiya hoga, woh sab dikh jayenge.
Ab jis AutoPay ko band karna hai, us par tap karein. Tap karne ke baad aapko Cancel AutoPay ya Delete AutoPay ka option dikhai dega. Us option ko select karein.
Uske baad aapse UPI PIN manga jayega. Aap apna UPI PIN enter kar dijiye. Iske baad aapka AutoPay cancel ho jayega. Isi tarah aap jitne bhi active AutoPay hain, unhe jaakar band kar sakte hain.
Yeh chhoti si process follow karke aap apne PhonePe app se AutoPay band kar sakte hain.
Maine iske upar apne YouTube channel ( TECHY BINDASS ) par full video guide bhi banayi hai, jismein maine step by step bataya hai ki AutoPay kaise band karna hai. Niche mera video diya gaya hai, aap jaakar dekh sakte hain.
Doston, agar aapne mera article padh liya hai, to aap mera video dekhkar bhi seekh sakte hain ki PhonePe app se AutoPay kaise band kiya jata hai. Agar is article se aapko kuchh jankari mili ho aur aapki samasya ka samadhan hua ho, to is article ko apne doston ke saath zarur share karein.
Aisi hi new information wale articles dekhne ke liye hamari official website par aur bhi articles visit kar sakte hain aur padh sakte hain, jo aapke bahut kaam ke hain.
Thank You So Much
