Aadhar Card se PhonePe Account Kaise Banaye? (2026)
Hey Doston,
Aaj ki is article mein main aapko batane wala hoon ki aap apne Aadhaar Card se PhonePe account kaise bana sakte hain.
Mere kaafi saare aise friends hain jinka bank account open to ho gaya hai, lekin bank ki taraf se unhe abhi tak Debit Card ya ATM Card nahi mila hai. Aur woh PhonePe account bana kar UPI use karna chahte hain online payment karne ke liye, lekin unhe pata nahi hota ki Aadhaar Card se bhi aap apna PhonePe account bana kar UPI PIN set kar sakte hain.
Is article mein main aapko step-by-step poora process batane wala hoon. Isliye aap is article mein bataye gaye sabhi steps ko dhyan se apne mobile mein follow karein.
Step 1
Sabse pehle aap apne mobile mein latest PhonePe App download karein.
Agar aapke mobile mein pehle se PhonePe App install hai, to pehle usko update kar lijiye. Agar kisi wajah se app properly kaam nahi kar raha ho to reinstall bhi kar sakte hain.
- Android User: Google Play Store se download karein.
- iPhone User: Apple App Store se download karein.
Neeche maine PhonePe App ka direct download link diya hai. Aap us par click karke latest version download kar sakte hain.
Step 2
So, I hope doston aapne apne mobile mein latest PhonePe App download kar liya hoga.
Ab main jo process bata raha hoon, usko dhyan se follow karein.
PhonePe Account Banane Ka Process
PhonePe App open karein.
Sabse pehle aapse mobile number enter karne ke liye kaha jayega.
Yahan par wahi mobile number enter karein jo aapke bank account se link hai.
Uske baad aapke mobile number par OTP aayega.
OTP verify karte hi aapka PhonePe account login ho jayega.
Dhyan De: Jis mobile number se aap PhonePe account bana rahe hain, wahi number aapke bank account se link hona chahiye.
PhonePe Mein Bank Account Add Karne Ka Process
Ab aapko apna Bank Account PhonePe mein add karna hai.
Iske liye:
- PhonePe ke Profile Icon par click karein.
- Ya Payment Methods → Bank Account wale option par click karein.
- Agar Add Bank Account ka option dikhe to us par click karein.
Ab upar aapko Add Bank Linked to Mobile Number ka option dikhega.
Yahan aapka mobile number show hoga.
Uske baad neeche Search Bank by Name ka option milega.
Yahan se aap apna bank search kar sakte hain.
Jaise:
- State Bank of India
- Punjab National Bank
- India Post Payments Bank
- Airtel Payments Bank
- Bank of Baroda
- Bank of India
Aur bhi bahut saare banks ki list aapko mil jayegi.
Apna bank select karein.
Agar mobile number bank account se link hoga, to PhonePe automatically aapka account verify kar dega.
Uske baad aapka:
- Bank Name
- Account Holder Name
- Last 4 Digits of Account Number
show ho jayenge.
Ab neeche Set UPI PIN ka option dikhega.
Isi step mein aapko apna UPI PIN banana hai.
Set UPI PIN Ka Process
Set UPI PIN par click karte hi naya interface open hoga.
Yahan aapko do option milenge.
- Debit Card
- Aadhaar Card Number
Agar aapke paas Debit Card ya ATM Card nahi hai to Aadhaar Card wala option select karein.
Dhyan rahe:
Jis mobile number se aap PhonePe account bana rahe hain, wahi mobile number Aadhaar Card mein bhi link hona chahiye.
Uske baad neeche diye gaye 4 steps follow karein.
(1) Step
Aapke Aadhaar se linked mobile number par UIDAI ki taraf se 6 digit ka OTP aayega.
Us OTP ko enter karein.
(2) Step
Uske baad aapke bank ki taraf se 6 digit ka OTP aayega.
Us OTP ko bhi enter kar dein.
(3) Step
Ab aapse UPI PIN Create karne ke liye kaha jayega.
Yahan par aap 4 digit ya 6 digit ka UPI PIN bana sakte hain (jo aapke bank ke hisaab se available ho).
Aisa UPI PIN banaye jo aapko hamesha yaad rahe.
Kyunki jab bhi aap:
- Online Payment karenge
- Bank Balance Check karenge
- Kisi ko paise bhejenge
- Kisi se paise receive karenge
Tab har baar UPI PIN ki zarurat padegi.
(4) Step
Ab jo UPI PIN aapne banaya tha, usi ko dobara enter karke Confirm karein.
Confirm karte hi aapka UPI PIN successfully set ho jayega.
Ab aapke PhonePe App mein:
- QR Code
- Bank Account
- UPI ID
sab show hone lagenge.
Iska matlab aapka Aadhaar Card se PhonePe account successfully ban chuka hai.
Video Tutorial
Doston, Aadhaar Card se PhonePe account banane ka poora live process maine apne YouTube Channel – Techy Bindass par upload kiya hai.
Agar aap live process dekhna chahte hain to neeche diye gaye video ko zarur dekhein.
-
Aadhar Card se PhonePe Account Banane ka New Process (2026)
Aadhar Card se PhonePe Account Kaise … Read more
Conclusion
Doston, is article mein bataye gaye process ko follow karke aap aasani se Aadhaar Card se PhonePe account bana sakte hain aur UPI PIN set kar sakte hain.
Ab aap PhonePe ki madad se:
- Online Payment kar sakte hain.
- Kisi se paise receive kar sakte hain.
- Bank Balance check kar sakte hain.
- Mobile Recharge kar sakte hain.
- Aur PhonePe ke kai doosre features ka use kar sakte hain.
So, I hope aaj ka yeh article aapko kaafi pasand aaya hoga.
Agar article pasand aaya ho to ise apne doston aur family ke saath zarur share karein.
Article padhne ke liye Thank You ❤️
